d’Entstehyg vom TattrRabatt het eigentlig erscht NACH em SchnuurePflutteri statt g’funde, d.h. dr SchnuurePfluttery het (nach em Fuudyblutt) so vil “Hütyge” dure g’macht, bzw. isch so vil mol vor em Schreddere gstande, dasy (us Protäscht vor ständyger Nölerey, irgend ebbis am SchnuurePfluttery sey nid rächt, könn me nid mache, sey wüescht/falsch o.ä.) “z’Läyd” e 24 Värs langs Video us vrschiidenschte Vrsatzstück baschtlet ha …
…dä ursprünglig 9 minütig “Pigmento” – ydampft fir Oholiker als “TatterRabatt” in 4/4tel Version – het schlussändlig mutyiert in e 7/8-tel balkanysche Hudygääkeler… durchus ‘begehbar’ mit 1 Schritt pro Takt – e wunderbare Sway!

https://mensch3000.ch/wp-content/uploads/2024/02/Tatter-StimmUszug-BP.pdf

– sway is the way!…

… mit fulminante (vermeintlige) “Rythme-Wächsel”:
s’Ganze’n’eso usgläyt, dass d’16-tel ally (usnahmslos) immer bi “glyychem” Metronom laufe, aber in “vrschiidene Kaliber”:
– dr erschty Abschnitt als 7/16-tel (ei Schritt pro Takt)
– dr zweit Abschnitt als 2/2tel (mit em Schrittwächsel im Takt 45)
– dr dritt Abschnitt mit eme empyrische Ufbau ternär als 12/16-tel “Jig” und denn schliesslig
– dr Abschluss als 4/4tel

…dr TattrRabatt zelebryiert “GoldAlpe Variazione” mit freygeischtige Kurzfassige vo Roma- und Son_Musig, mit Reveränzler und harte Zäsure vo Hördy bis Gördy, inspyriert vo
Alphörner, vo Rastas und Bastas, vo Popury mit Vrsatzstigg us vrschiedene’n’Ecke und Kante wo Basel gränzelos an Peru stoosst, Jamaika an d’Mongolei, und Uganda an Balkan,
vom Gross-Druid “Hadouk” (1492 – 1599,  Wikipedia, Pataphysik) und vo vil anderem…

Mit ere Vrbeugyg uf Ohreheechy zem Cornelius Buser, wo wieder emol genialisch g’Rambambelet het…
Dr Dschäs mues sowieso aaneheebe, wenn’s ebbis z’Vrpriigle gubbt…

mit Värsli wie:
– dr Zittriopopettli
– e Knick in dr Fichte mit ere Jig als Irrländler
– s’Hörgrät
– dr Alois
– Parkinscheyk baby scheyk
– weisch no, fryiener?
– womr no hän fiidleblutt dörfe
– Geiferlatz und Schnabeltasse
– s’ArtReesli
– s’NeyReesli
– s’TromBeesli (mit Gichtstimm)
– dr Proschtatter
– dr KnatterTatter
– dr BeschTatter
– im Hohn-Alter
– s’Stitzstrimpfli
– s’Demänzli
– s’Inkontinänzli
– no bis zu de Finkespitze
– vo Leitstell ze Leidstell
– Placebo forte
– Parajos en la cabeza
– Exit (fertig fiidleblutt, jetz!)
– Rock’n’Rollator
– d’Häppy Pille
– siebzig Jahr blondes Haar
– dä, woni wiedr nüm weiss, wie’n’r heisst…
– oh baby, Beery, Bâle à Bali
– le Bâl(e) de l’Oiseau und l’Oiseau de Bâleu.v.a.

und wär’s nid glaubt, söll doch sini Läckerli sälber mache. Do isch’s Rezäpt drzue:
http://youtu.be/faOAWV0HQmI