e Piccolo-Dérangement fir BassPiccolo und 3 Schreyhelzer
mit eme fantastische DrummelZauber vom Moritz (“Mötzli”) Frei
+ e’n’alternativy 4ty Stimm…
…zer erschte Fasnacht ohny Beeri (R.I.P.)
…eigentlig e BassPiccolo featurette
mit BegläytGmyes für Schreyhölzer…
… PiccoloMusig, aber käy “Marsch”.
Nach em Fyygeblatt (vom Fuudyblutt) jetz also
s’Muul_halte_Manifescht für e dummy Schnuure

e’n’Ufforderyg, mit däne 3 Versione (1. Gossehauer Version, 2. konzertanty Vollversion, 3. Version ohny Drummle)
doch z’spiile, z’improvisyiere, z.B. Vrzyieryge und Praller mit Bedacht z’modifizyiere o.ä.,
und alles (vor allem sech sälber) doch nid eso fürchterlig ärnscht z’näh…
usser: rythmisch disziplinyiert und unbarmhärzig rygoros musikalisch (souverän) z’blyybe!

Und jetz mues doch au emol en energyschy Danksagyg vom Stapel laufe:

ohny Gérald Prétôt und d’Rita Wenk hätt das niemols eso’n’e tolly Partitur gä. Überhaupt sin die zwei tolly Wägbegläyter und hän unschätzbary Schützehilf gleischtet für mi Wirrkopf, wo sunscht gar nid fähig gsi wär, so Granate z’lancyiere.
Und ganze härzhafty Vrbeugyg an die unvrzichtbar wärtvolly Eminänz vom Cornelius Buser…

…d’Wurzle vo däre Farflüttrie gön quasi duure’n’Ärdball, d.h. durch südfranzeesische Wurzle (Puechredon / Uzès / Sète) einersyts und em Nuggizapfe schlächthii: d’Näägermusig vom R & B mit eme Schuss
Jimi Hendrix Akkord uf Georges Brassens-Zeuerli
+ DoppelZungeschlaag (zytgäyschtig für Doppelmoral und Doppelhumor und Doppleraffäkt usw.).
S’erscht mol “g’hört” hany dä Schnuurepflutteri uf dr Karlsbrugg  (über d’Moldau) in Prag: zu so me Wöschbrätt g’hört e guete Pfiff, oder schöner wär, wenn zumene guete Pfiff emol Wöschbrätt kummty…
Für das Lalala La lala lala La lala  ka me locker au schnuuredrummle mit Tekete Te kete kete Te kete…
In Spanie het eine (2003!) scho mol e Remix in ere’n’ UrVersion uf Vinyl uusegää