n.b.
ze däne
Zuesatz- bzw. BassPiccolo_Stimme:
das sin käyni “g’normte” (em “Kanon” entsprächende) vierte Stimme, sondern meh wie “theoretischy Regelbrüch”… es wird uf d’Harmonielehr pfiffe… es isch (mängmol) “kontra”…punkt…
…Stimmkrützige sin käy Vrbräche, genau so wenig wie do und dört e bitz derbery Ryybyg o.ä….
…die Stüggli sin eifach e’n’andery Sichtwyys, e’n’andery “Spielart”… e grössere Fokus uf Rythmik… Überraschyge sin obligatoryschy Trümpf…
Wär Frayd het dra kha’s ganz ungezwunge toleryiere und gnyiesse..
Wär Tüpfli schisst, und “Rächt” nachere’n’einzige Sichtwyys heuscht, jä nu, dä mues es zwangswyys vrdamme und darf’s au nid spiile…

do gubbty’s z.B. dr “Tatzelwurm”
vom Lukas Langlotz
mit ere neye BassPiccolo_Stimm drzue
(do finde’n’r d’Partitur)

dä Tatzelwurm git’s no als Kurzfassig:
‘s Tatzelwürmli

au
“Die neye Glayblyysler“
“umschryybe” das ganz guet: e BassPiccolo_Linie im Blues-Flair.
Sozesage’n’e Wyterentwicklig, e neyi vierty Stimm für Basspiccolo vo de Neye Glaybasler”
mit eme’n’andere “Drall”…
…nüm Schlampegroove per se wie d’Vorgänger (Fuudyblutt, Tatterrabatt und Schnuurepflutteri),
…aber mit Inflekzione, Fioriture, Vorschleeg und Bluenotes…

eso gseht’s gschriebe’n’us…
dasch nid “drgege“, aber halt “anders” als d’Oberstimme…
d’Kollege vom Oberstimme_Verein dörfe ruhig schreye: “jäää… do simm’r jo gar nüm eso wichtig?!” / “das goot überhaupt nid” etc…
…s Narrativ het e ganze’n’andere Fokus als e “klassischy” / harmonischy Vierty drzue (die bruucht’s jo eigentlig gar nid…)…
Wil/drum:
us absolut jedem Stück ka me’n’e’n’”anders” mache. Wär kennt nid scho Bach “uf Jäzz” (PlayBach)?
…d’NationalHymne à la Beethoven ?… oder em Johnny sy PréludiumRumba?  bis Debussy uf Reggae goht d’Musig… !
sogar uf e’n’Amadeus kasch mit em Fuudy gwaggle… usw.
…au usem “Lumpesammler” lot sech locker e Raeggae stricke… dr Fantasie sin keiny Gränze gsetzt!
Mynethalbe könne jetz d’Exegete zetere und fletere, das sey e Frevel, e’n’Arrangement wo nid passt etc., aber
käy Meischter het mr jemols gsayt, es sey “falsch”…
…und wenn’s nid falsch isch, mues es jo au nid “richtig” syy, will “richtig” – je nach däm, (je nach Perspektive) – ebe nur e’n’andery Sichtwyys isch!
Guet isch doch eifach, was gfallt… (deguschtybus non est rumpedibum o.ä.)…

Im glyyche Sinn git’s au e BassPiccolo_Stimm für
dr “Festival“
und / oder dr
“Troubadour”
und e BassPfiffe (Stimmuszug) vom
“Spinnrad” und/oder s’Audio drzue
(vom Dany Kreder)