zrugg zem virtuelle'n'Inschtruktr

n.b.
ze däne
Zuesatz- bzw. BassPiccolo_Stimme:
das sin käyni "g'normte" (em "Kanon" entsprächende) vierte Stimme!
Es sin theoretischy Regelbrüch (do wird also sozesage uf d'Harmonielehr pfiffe... es isch "kontra".punkt...).
Y betracht's eifach als "andery Sichtwyys", bzw. andery "Spielart", oft ehnr
usere rythmische Warte'n'uuse.
Wär Frayd het dra kha's ganz ungezwunge (...) toleryiere / gnyiesse..
Wär Tüpfli schisst, und "Rächt" nachere einzige Sichtwyys betrachtet, jä nu, dä mues es zwangswyys vrdamme und darf's au nid spiile...

do gubbty's z.B. dr "Tatzelwurm"
vom Lukas Langlotz
mit ere neye BassPiccolo_Stimm drzue

(do finde'n'r d'Partitur)

dä Tatzelwurm git's no als Kurzfassig:
's Tatzelwürmli

au
"Die neye Glayblyysler"
"umschryybe" das ganz guet: e BassPiccolo_Linie im Blues-Flair:
eso gseht's gschriebe'n'us...
dasch nid "drgege", aber halt "anders" als d'Oberstimme...
d'Kollege vom Oberstimme_Verein dörfe ruhig schreye: do "simmer jo gar nüm eso wichtig!" / "das goot überhaupt nid" etc...
...s Narrativ het e ganze'n'andere Fokus als e "klassischy" / harmonischy Vierty drzue (die bruucht's jo eigentlig gar nid...)...
Wil/drum:
us absolut jedem Stück ka me'n'e'n'"anders" mache. Wär kennt nid scho Bach "uf Jäzz" (PlayBach)?
...d'NationalHymne à la Beethoven ?... oder à la Chopin ? bis zem Debussy_Stil kame's spiile ! usw.
...usem "Lumpesammler" lot sech locker e Raeggae stricke... dr Fantasie sin keiny Gränze gsetzt!
Mynethalbe könne jetz d'Exegete zetere und fleetere, das sey e Frevel, e'n'Arrangement wo nid passt etc., aber
käy Meischter het mr jemols gsayt, es sey "falsch"...
...und wenn's nid falsch isch, mues es jo au nid "richtig" syy, will "richtig" - je nach däm, (je nach Perspektive) - ebe nur e'n'andery Sichtwyys isch!

Im glyyche Sinn git's au e BassPiccolo_Stimm für
dr "Festival"
und / oder dr
"Troubadour"

 

 

Und wenner emol e Pöisli mached bim Yebe, hätt's do no anderi virtuelli Fasnachts-Blüete wie dr
Rasta Lumpi (Lumpesammler)
oder dr
Altfrangg
emol andersch

und demnägscht kunnt au scho wieder e ney Märschli us däre Schmyydi: dr "Schnuurepflutteri" (wenni's Muul jetz nid scho wieder z'voll gno ha)

und wär's nid glaubt, söll doch sini Läckerli sälber mache. Do isch's Rezäpt drzue:
http://youtu.be/faOAWV0HQmI

und natyrlig - hoff y doch - wird die Syte immer wieder bestüggt mit Neyem, so's denn ebbis Neys z'brichte git...

und vorwärts marsch, 4. Septämber 2018...

do könnte'n'r no spände (umbedingt BluetGruppe'n'agää)

 

you are visitor Nr.